BIGARRENEAN BAI!

Alex eta konpainiak tontorrerako bigarren saioari ekin diote. Lehen kanpamentura heltzeko egurra hartu dute, eta gaur bigarrenera joateko asmotan dabiltza.
Animo Alex!!!!!
http://alextxikon.com/eu/argia-ikusi-dugu-azkenean/  

SOLO KHUMBU

ALEX BERRIZ KANPAMENTU NAGUSIAN

5.300 metrotara heldu direnean buelta ematea erabaki dute: “Lehen erabat izoztuta ekipatu eta eskalatu genuen pala, Kinshoffer horma aurrekoa, elurrez gainezka topatu dugu gaur, gerriraino tarteka”, zioen Txikonek irrati bidez. Ez zuten erabat ezinezkoa ikusten 2. kanpalekura (6.100m) heltzea baina, iristekotan, indarrak xahututa egingo zuten eta, beharbada, beranduegi izango zen bertan ezarria duten denda elur azpitik ateratzeari ekiteko.

Zailtasunez aparte, arriskuak ere eraman ditu erabaki hau hartzera. “Atzo, bidean ginela, zenbait elur-jausiren lekuko izan ginen, halakoen hondarrak ere ikusi genituen eta, egia esan, gaur ere ez dugu terrenoa erabat seguru ikusi”.

Horrenbestez, eskalatzaileak Behe Kanpalekuan dira jada, eta bertan itxarongo dute terrenoaren baldintzak hobetu ez ezik, eguraldiak ere beste aukera bat eman arte.

ALEX GORANTZ

Alex Txikon eta sokakideek I. kanpalekuranzko bidea hartu dute, datorren astearte edo asteazkenean (maratxoak 3 edo 4) Nanga Parbat tontorrera (8.126m) heltzen saiatzeko. Egurre!!!

Animo Txikonazo!!

DIMENTSIOAK

Ez ditugu denboraren dimentsioak ezagutzen, eta halarik ere, bera neurtzeko eta kuantifikatzeko moduak topatzen ditugu beti. Luzea edota laburra esanez definitu nahi dugunean, bere joanari buruz ari gara mintzatzen. Egia da edozein zaldik baino arinago egiten duela ihes denborak, baina burbuila handi bat da non dena kondentsa daitekeen.

Zer pentsatuko du bestela, Alex Txikon alpinistak? Duela hilabetea atera zen etxetik Nanga Parbat mendia igotzen saiatzeko, eta denboraren ordu, egun eta aste hauen guztien ostean, aldapan gora segitzen du, mendiari koskak janez, urratsez urrats, lepoa gorantz tinkaturik, tontor eskuraezina non egongo ote den galdezka.

Harrigarria da batzuentzat gizakia nola tematu daitekeen denbora-iragaite batean mendi bateko puntara igotzen, bere denbora malapartatzen, lipar txiki bateko sentsazio ia estralurtarra azal osoan kurritzeko. Batzuek hala bilatzen dute bizitasuna, bizitzaren arimari gorazarre egiteko.

Datorren astean hilabetea egingo du kanpamentu nagusira heldu zela. Orduz geroztik, 6.700 metrora arte igo da lagunekin, oihalezko dendatxoak jartzeko, habia txiki bat osatzeko izotz, elur eta haize bortitzen menpe. Metro asko dute aurretik azken erpineraino heltzeko, eta horregatik kirioak dantzan ibiliko dira, mendiaren apetak ez dituztelako ezagutzen. Ez baitakite zenbaterainoko indarrez joko duten afrontuak ekarriko dituen haizeek; ez baitakite zenbat metroko geruza osatuko duten atertu barik jausiko diren elur-malutek; ez baitakite zenbaterainoko gogortasuna gordeko duen izotz zahar labaingarri beltzak; ez baitakite, finean, denboraren dimentsio berri horrek zer ekarriko dien.

Dena dela, zorteko eta asebete daude, eta zorioneko ere bai, izan ere, Pakistango Nanga Parbat mendian, neguan eta Kinshofer bidean, inoiz lortu den altuerarik garaiena baita eurek jarritako marka.

Baina datozen egunotan, neguko eguraldi txarrak bere baldintzak ezarriko ditu berriro. Neguaren mugak eta dimentsioak ere ez ditugu ezagutzen, ez baitago, denborarekin gertatzen zaigun bezala, bera kuantifikatzeko modurik.

BIDEAN

Ondorengo lotura honetan Alex Txikonek eta sokakideek orain arte Nanga Parbat mendian lortutakoa laburtzen duen egunez eguneko kronologia irakur dezakezue. Argazki batzuk ere ikusiko dituzue.
http://alextxikon.com/eu/orain-arte-egindako-lanaren-kronologia-laburpena/

AMA